012Дар Сафорати Ҷумҳурии Исломии Эрон дар Ҷумҳурии Тоҷикистон мулоқоти Раиси Раёсати Ҷамъияти дўстӣ ва равобити фарҳангии Тоҷикистон бо кишварҳои хориҷӣ Сайдулло Хайруллоев бо Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон оқои Ҳуҷҷатуллоҳ Фағонӣ доир гашт. Мулоқот бо даъвати Сафорати Ҷумҳурии Исломии Эрон дар Ҷумҳурии Тоҷикистон баргузор шуд.
Сайдулло Хайруллоев оқои Фағониро ба муносибати Сафир таъйин шуданаш самимона таҳният гуфта, ба муносиботи ҳар ду кишвар баҳои нек дод ва аз пешомади ҳамкориҳо судманд изҳори итминон кард.
Дар мулоқот масъалаи таҳким бахшидани ҳамкориҳои фарҳангии Тоҷикистону Эрон дар доираи ҶДРФТ баррасӣ гардид. Зикр шуд, ки байни Ҷумҳурии Тоҷикистон ва Ҷумҳурии Исломии Эрон дар мавриди баррасии ҳамкориҳои бисёрсоҳа ҳеҷ гуна мушкил вуҷуд надорад ва сол аз сол густариш пайдо кардани робитаҳои ду кишвар дар заминаҳои гуногун далели равшани ин гуфтаҳост.
Оқои Фағонӣ гуфт: “Ҳангоми ба ин вазифа таъйин шуданам Президенти Ҷумҳурии Исломии Эрон оқои Ҳасани Руҳонӣ таъкид кард, ки Шуморо ба Тоҷикистон на чун сафире, ки ба як давлати ғайр меравед, равон мекунем, балки Шумо ба хонаи дуюми худ меравед». Дар давоми суҳбаташ афзуд, ки сафирони пешин – оқои Алиашраф Шабистарӣ, Сармади Порсо ва доктор Алиасғари Шеърдўст иртиботашон бо Тоҷикистон қавист, нисбати он назари нек доштанд, ва доранд.
С. Хайруллоев аз иртибот ва ҳамкориҳои Ҷамъияти дўстӣ ва равобити фарҳангии Тоҷикистон бо кишварҳои хориҷӣ бо Сафорати Ҷумҳурии Исломии Эрон, махсусан аз рафоқаташ бо Сафирони номбурда ёдовар шуда, ба оқои Садрӣ – кордори сафорат ғоибона изҳори ташаккур кард.
03Раиси Раёсати ҶДРФТ С. Хайруллоев зимни сўҳбат дар бораи роҳҳои тавсиаву густариши робитаву ҳамкориҳои ду кишвар пешниҳодҳои мушаххас баён намуд. Ў нақши донишмандони ду кишварро дар тарғибу ташвиқи осори адибону мутафаккирон ва фарҳангу тамаддуни ҳар ду халқ муҳим арзёбӣ намуд. Таъкид гардид, ки дар шароити мураккаби ҷаҳони имрўза ҳамкориву ҳамдигарфаҳмиро байни донишмандони тоҷику эронӣ, байни мардумони ду кишвар тақвиятбахшидан барсалоҳи кор хоҳад буд. Мо бояд заминаи мусоиди равобити тарафайнро бештар фароҳам оварем. Албатта, тайи солҳои охир кўшиши густариш додани равобит бештар ба назар мерасад, вале ба андешаи ман, мардумони мо, махсусан олимону донишмандон ташнаи ҳамкориву рафтуомади бештар ҳастанд. “Барои амалӣ гардидани робитаҳои босамар дар доираи салоҳияти худ мусоидат хоҳад кард», хулоса кард ў.
Оқои Фағонӣ иттилоъ дод, ки имсол ҳам чорабини ҳарсолаи «Намоиши китоб» на дар Теҳрон, балки дар шаҳри Ҳамадон доир хоҳад гашт, чун имсол ҳам дар Эрон ва ҳам дар Тоҷикистон ҷашни 700-солагии Мир Сайид Алии Ҳамадонӣ эълон шудааст ва ғайра аз ин, шаҳри Кўлоб бо Ҳамадон бародаршаҳранд. Ғайр аз ин, омадани як ҳайати баландпоя баҳри иштирок дар Ҷаласаи бахшида ба об, ки омадани ҳайатҳо таҳкимбахши воқеии равобити ҳасанаи ду кишвар дар назараст.
04С. Хайруллоев ҳам дар тақвияти ин гуфтаҳои оқои Фағонӣ аз сафарҳои хеш ба Эрон дар ҳайати намояндагиҳои ҳам Парлумон, ҳам ҶДРФТ, аз мулоқоташ бо шахсиятҳои машҳур хотираҳои нек байён кард.
Оқои Фағонӣ дар мавриди таассуроташ аз кишвари мо чунин иқрор дошт: «Вақте ба Тоҷикистон омадам, фикр мекардам, ки мардуми ин ҷоро аз бомдоди таърих мешиносам».
С. Хайруллоев зарурати омўхтани алифбои ниёгон, дастраси ҳамагон будани онро таъкид карда гуфт, ки кўшиши баргаштан ба рисолати хеш, ҳифзи фарҳангу мероси хеш яке аз самтҳои сиёсати давлат буда, дар ҳаёти ҷомеа татбиқ шуда истодааст.
Дар мулоқот Раиси Ҷамъияти дўстии «Тоҷикистон – Эрон» Мирзо Муллоаҳмадов иштирок ва андешаҳои худро роҷеъ ба ҳамкориҳои фарҳангии ду кишвар изҳор дошт.

Мулоқот дар фазои хеле самимӣ, ҳамдигарфаҳмии комил сурат гирифт.

    9 сентябри 2016

03 001 Имрўз дар идораи Ҷамъияти дўстӣ ва равобити фарҳангии Тоҷикистон бо кишварҳои хориҷӣ (ҶДРФТ) мулоқоти Раиси Раёсати ҶДРФТ Сайдулло Хайруллоев бо Сафири Фавқулода ва Мухтори Ҷумҳурии Қирғизистон дар Ҷумҳурии Тоҷикистон ҷаноби Мирослав Ниязов баргузор гардид.

http://www.zoofirma.ru/Раиси Раёсати ҶДРФТ Сайдулло Хайруллоев ҷаноби Мирослав Ниязовро ба муносибати Сафир таъин шуданаш дар Ҷумҳурии Тоҷикистон таҳният гуфта, изҳор намуд, ки бо таъин гардидани Шумо ба ҳайси Сафири Фавқулода ва Мухтори Ҷумҳурии ба мо дўст ва бародари Қирғизистон дар Ҷумҳурии Тоҷикистон ҳамкориҳои гуногунсоҳаи кишварҳои мо ба маҷрои сифатан нав ворид хоҳад шуд. «Мо ҷонибдори тақвият ёфтани муносиботи Тоҷикистону Қирғизистон дар ҳамаи соҳаҳо ҳастем ва ба рушди бемайлони он дар давраҳои минбаъда умедворем», - гуфт Сайдулло Хайруллоев.Раиси ҶДРФТ изҳор дошт, ки ба хотири таҳким бахшидани дўстӣ байни миллатҳои тоҷику қирғиз дар назди ҶДРФТ Ҷамъияти дўстии «Тоҷикистон – Қирғизистон» фаъолият мекунад, ки хушбахтона, то имрўз дар мустаҳкам гардидани  рафоқат байни мардумони мо корҳои зиёдеро ба анҷом расонидааст. Аз ҷумла, барои боз ҳам бештар ошно намудани миллати тоҷик бо дастовардҳои илмиву фарҳангӣ ва адабиёти қирғиз бо ташаббуси Ҷамъияти мазкур намунаи асарҳои адиби машҳури қирғиз Чингиз Айтматов бо забони тоҷикӣ тарҷума шудааст, ки рўзҳои наздик ба дасти хонандагони тоҷик хоҳад расид. Ҳамчунин, роҷеъ ба ҳаёт ва фаъолияти намояндаи дигари барҷастаи   адабиёти миллати ғирғиз – «Манас» бо хатти алифбои арабиасос китобе омодаи чоп гардидааст.

Сайдулло Хайруллоев изҳор дошт, ки иқдоми чопи китоби мазкур бори дигар аз он шаҳодат медиҳад, ки миллати тоҷик ба Манас ва эҷодиёти ў эҳтироми махсус қоиланд. Нашри ин китоб имконият медиҳад, ки ҳамаи форсизабонони дунё бори дигар бо Манас ва осори ў наздикии бештар пайдо кунанд.

Сафири Фавқулода ва Мухтори Ҷумҳурии Қирғизистон ҷаноби Мирослав Ниязов низ аз таъйин гардиданаш ба ҳайси Сафир дар Ҷумҳурии Тоҷикистон изҳори хушнудӣ намуда, аз ҷумла таъкид кард, дар рўзи супоридани эътимодномаи худ ба Президенти Ҷумҳурии Тоҷикистон Эмомалӣ Раҳмон Ҷаноби Олӣ ба ман эҳтиром ва таваҷҷуҳи махсус зоҳир карданд, ки ин маро хеле хушҳол намуд. Миллати тоҷику қирғиз аз умқи қарнҳо бо ҳамдигар алоқа ва муносиботи нек доранд ва хушбахтона, ин шеваи равобит то имрўз ҳифз шудааст.

Мирослав Ниязов таъкид кард, чунин муносиботи гарм боис гардид, ки мардумони мо акнун бо ҳамдигар пайванди хешутаборӣ гирифтаанд. 

15abde3c81505959f6d2610e3cdfbe51 XLСафири Фавқулода ва Мухтори Ҷумҳурии Қирғизистон аз баргузории мулоқоти имрўзааш бо Раиси Раёсати ҶДРФТ Сайдулло Хайруллоев изҳори қаноатмандӣ намуда, иброз дошт, ки ҳамчун Сафир тамоми тадбирҳоро барои густариши ҳамкориҳои гуногунсоҳаи ҳар ду кишвар хоҳад андешид. «Мо ба арзишҳои муштараке, ки дорем эҳтиром мегузорем ва дар доираи ин арзишҳо дўстии худро боз ҳам тақвият ва ҳамкориҳоро густариш медиҳем», - гуфт Мирослав Ниязов.

Дар мулоқот ҳамчунин дар бораи баргузор намудани чорабиниҳои фарҳангии муштарак бо иштироки аҳли фарҳанги Тоҷикистону Қирғизистон дар минтақаҳои наздисарҳадии ду кишвар ва ба ин васила табдил намудани марзҳои хеш ба «Сарҳади боварӣ» таъкид гардид.

Дар вохўрӣ Раиси Ҷамъияти дўстии «Тоҷикистон – Қирғизистон» Мирзо Шукурзода ва муовини Раиси Раёсати ҶДРФТ Мушаррафа Шарифова иштирок ва андешаҳои худро дар бораи тақвияти дўстиву ҳамкориҳои фарҳангӣ ва илмии ду кишвар баён доштанд. 

 

 

МАҶАЛЛАИ «ДЎСТӢ»

ФОТОГАЛЕРЕЯ

banner

КАЛЕНДАРЬ

<< < Январь 2018 > >>
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31